PRESS FEATURE
#SerbisyoBandera: OFWs sa Hong Kong balik-eskwela sa tulong ng Full Phils
This article was originally published in Bandera (Inquirer).
Sa pagdiriwang ng Araw ng Kalayaan at Migrant Workers Day, kakaibang selebrasyon ang pinili ng ilang overseas Filipino workers (OFWs) sa Hong Kong.
Sa halip na parada o piyesta, edukasyon ang naging paraan nila para ipagdiwang ang kanilang kalayaan.
“We often talk about independence in the context of our history,” sey ni Emilio Baja, ang founder ng Full Phils, isang youth-led nonprofit na tumutulong sa mga OFW na makapag-aral muli sa kolehiyo sa pamamagitan ng flexible at accredited online programs.
Dagdag niya, “But for many OFWs, especially women, real independence also means having the chance to study again. To grow, to choose, to lead. That’s also what we’re celebrating this June.”
Sa tulong ng nasabing programa, halos 30 OFWs na karamihan ay kababaihan ang muling nag-enroll sa kolehiyo.
Marami sa kanila ang dating napilitang huminto sa pag-aaral para magtrabaho abroad.
Ngayon, pinapatunayan nilang ang edukasyon ay hindi lang pampaangat sa karera, kundi porma ng personal na kalayaan.
“Independence Day reminds us that we are free to pursue the lives we strive for ourselves,” wika ni Baja.
Aniya pa, “For OFWs who once felt limited by their circumstances, education becomes a passport—not just to better jobs, but to dignity, confidence, and real choice.”
Nakipagtulungan ang Full Phils sa mga unibersidad gaya ng AMA University, Philippine Women’s University, at UP Open University para magbigay ng mga programang swak sa schedule ng mga OFW.
Hindi lang ito basta “makatapos ng degree,” ayon kay Baja: “It’s about showing OFWs—especially those who’ve always been told their job defines them—that they’re more than that. They have every right to invest in themselves.”
Marami sa mga estudyanteng OFW ng Full Phils ay umalis ng Pilipinas na walang diploma, ang iba hindi man lang nakatapos ng high school.
Kaya para sa kanila, ang edukasyon ay hindi lang dagdag sa resume, ito ay panibagong direksyon sa buhay.
Sinusuportahan din ito ng mas malawak na layunin ng gobyerno at sa ginanap na Women OFW Conference sa Makati, binigyang-diin ni Department of Migrant Workers (DMW) Undersecretary Dominique Rubia-Tutay ang kahalagahan ng gender equality at access sa skills training.
Sa kanyang mensahe, sinabi niya ang pangangailangan ng “women’s empowerment, independence, confidence, and hope”—mga prinsipyo ring itinataguyod ng Full Phils.
.