PRESS FEATURE
#SerbisyoBandera: Full Phils ibinandera ang 1st batch ng OFW scholar graduates
This article was originally published by Pauline del Rosario in Bandera.
SA gitna ng samu’t saring kwento ng pagsisikap ng mga OFW, isang youth-led non-profit ang todo-bida ngayong 2025: ang Full Phils, ang organisasyong pinamunuan at itinatag noong 2022 ni Emilio Baja, na 14 years old pa lang noon!
Fast forward to today, mas lumaki, mas lumakas, at mas lumawak ang impact nito sa buhay ng ating mga kababayan sa Hong Kong.
Mula sa simpleng pangarap na tulungan ang mga OFW na makapag-aral ng kolehiyo sa abot-kayang paraan, ang Full Phils ngayon ay may halos 30 scholars na at mahigit 50 volunteers sa Manila at Hong Kong. “Full Phils was built on the belief that OFWs deserve opportunities that honor both their sacrifices and their aspirations,” sey ng founder na si Emilio.
Dagdag pa niya, “Our work is guided by the idea that education can open doors that have long felt out of reach for many OFWs.”
Pinakamasarap ipagdiwang ngayong taon ang kauna-unahang graduating scholars ng Full Phils, isang milestone na nagpapakitang may tunay na nagbabagong buhay dahil sa programa.
Dalawang scholars ang nakatakdang magtapos ngayong school year:
– Rhagine Carbonell, BS in Hotel and Restaurant Management
– Dyan Agonoy, BS in Hotel and Restaurant Management
Makukuha nila ang kanilang Certificate of Completion sa darating na December 14 sa Hong Kong. “These graduates represent the heart of why Full Phils was started,” wika ni Emilio sa isang pahayag.
Aniya, “Education gives OFWs the opportunity to rewrite their futures, for themselves and for their families. Seeing our first scholars graduate reminds us that every volunteer hour, every donor, and every college degree brings us closer to a Philippines where no dream is put on Hold.”
Samantala, hindi lang scholarships ang pinagkakaabalahan ng grupo. Nitong taon, inilabas nila ang kauna-unahang children’s book ni Emilio na pinamagatang “A Heart in Two Places.” Layunin nitong tulungan ang mga bata na maintindihan ang reyalidad ng OFW life.
Ang libro ay available na sa piling Fully Booked branches at malapit nang magkaroon ng mas malawak na distribution. Ang kita mula sa libro? Diretso sa scholarship fund ng mga estudyante.
Maliban sa Pilipinas, tampok ang libro sa Frankfurt Book Fair sa Germany, ang pinakamalaking international book fair sa mundo.
Habang lumalawak ang network ng scholars at volunteers, handa na ang Full Phils na mag-scale up sa 2026. Target nila ang mas maraming scholarship slots, mas marami pang partner universities, at mas malawak na support modules para sa OFWs taking online degrees.
At heto ang exciting part: pinag-aaralan na rin nila ang unang international expansion, at posible raw na Singapore ang susunod na hub.
“As we look to 2026 and beyond, we hope to empower even more OFWs to invest in themselves. Their sacrifices deserve pathways, not obstacles, toward the futures they envision,” ani ng binata.
Para sa partnerships, suporta, o kung gusto niyong maging bahagi ng kanilang growing impact, bisitahin ang kanilang website: https://fullphils.org.